2012

2011

10.09 / 25.09      REYNSLA ER ÞEKKING

                              GEORG HOLLANDERS / SHARKA MRNAKOVA / BIRGIT EHRHARDT

 

Sýningin Reynsla er Þekking var lifandi og listræn framsetning sem beindi athygli að eko- og úti kennslu í leikskólum, náttúrulegum leikgörðum og áhrifum þeirra á þroska fólks - bæði andlegan og líkamlegan. Þetta var einskonar hugleiðsla um óhefðbundnar kennsluaðferðir sem byggja á "experiential learning".

Miðpunkturinn er manneskjan, skilningarvit hennar, tengslin við náttúruna, náttúrulögmál, staðbundnar atvinnugreinar, auðlindir, menningararfleifðin, samfélagið og sjálfbæra lifnaðarhætti.

Náttúrulegir leikvellir voru gerðir úr náttúrulegu eða endurunnu hráefni eða hlutum. Heildrænt umhverfi sem þessir leikgarðar mynduðu, miðuðu að því að örva skilningarvit barnanna og fólks og færa þau nær náttúrunni og samfélaginu sem þau búa í.

Sýningin var margþætt og var samstarfsverkefni Sharka Mrnakova, George Hollanders og Birgit Ehrhardt.

Meðal þess sem sýnt var:

Afrakstur af þróunarverkefni um útikennslu sem var unnið í sumar í samstarfi við leikskólann Iðavelli á Akureyri. Þar voru elstu börnin úti alla daga frá júni og fram í miðjan júli á nærliggjandi leikvelli og unnu í anda úti leikskóla. Unnið var með náttúruleg og endurunnin hráefni, menningararfleifðinna s.s. sögur og staðbundna starfshætti, skilningarvitin, náttúrulögmál og element svo eitthvað sé nefnt. Einnig var unnið með órjúfanleg tengsl manneskjunnar og náttúrunnar með því að leggja áhersla á sjálfbæra lifnaðarhætti, endurvinnslu og náttúruvernd í gegnum daglegt starf eða upplifun og fræðslu.

 

Sýnd var blanda af verkefnum barnanna en einnig gögnum sem leikskólakennara söfnuðu saman s.s. upptökur (hljóð og myndbönd), ljósmyndir og fleira.

 

Einnig voru til sýnis hönnunarferli og uppbygging í samvinnu við foreldra frá náttúralegum leikgarði sem varð til við Krílakot sumarið 2011 til að gefa innsýn í hugmyndfræði á bak við þessa tegund af leikgörðum.

Til sýnis voru aðferðir og óhefbundnar leiðir til að endurnýta sorp eða úrgang við kennslu í leikskólum eða fræðsluaðferðir.

 

Ýmsar innsetningar léku sér að skilningarvitum gesta og gangandi og voru gagnvirk til að gefa dýpri innsýn í eigin reynsluheim og hugmyndafræðina á bak við náttúrulega leikgarða og "experiential learning". Einnig voru til staðar gagnvirk vinnusvæði þar sem gestir og gangandi gátu tekið þátt í og skapað sína eigin hugarsmíð.

Á sýningunni var einnig ítarleg kynning um eko- eða úti leikskóla og náttúrulega leikgarða.

30.07 / 21.08             KVELDÚLFUR SJÓNSUÐA

                                          BALDVIN EINARSSON, BERGUR ANDERSON, BRYNDÍS BJÖRNSDÓTTIR, DARRI ÚLFSSON, ELÍSABET

                                          BRYNHILDARDÓTTIR, INGVAR HÖGNI RAGNARSSON, KATLA RÓS, KLÆNGUR GUNNARSSON,

                                          LILJA BIRGISDÓTTIR, LOJI HÖSKULDSSON, RAGNAR MÁR NIKULÁSARSON, SELMA HREGGVIÐSDÓTTIR,

                                          SINDRI SNÆR S. LEIFSSON OG ÞÓRGUNNUR ODDSDÓTTIR.

 

Var samsýning nokkurra ungra myndlistarmanna og hönnuða sem flest áttu það sameiginlegt þá að hafa tiltölulega nýlokið listnámi sínu.

 

Um sýninguna:

Það var Verslunarmannahelgi og við lögðum land undir fót, nokkrir myndlistarmenn og hönnuðir með svefnpoka, dýnur og fullan haus af hugmyndum.

Þó ekki svo fullan að það væri ekki pláss fyrir eins og eina Hjalteyri þar.

Hún þurfti að komast inn í höfuðið líka. Það var mikilvægt.

Við mættum á staðinn, grúskuðum og suðum. Hver og einn með sína verksmiðju í höfðinu. Og við unnum líka saman. Samskipti eru efniviður.

Svo kom í okkur kveldúlfur. Við buðum fleirum að taka þátt. Slóum upp hátíð þegar kvöldaði með tónlist og guð má vita hverju.

Uppi á palli, inn í tjaldi, vonandi skemmtuð þið ykkur vel.

02.07 / 24.07     INNSÝN

EYGLÓ HARÐARDÓTTIR, GUÐJÓN KETILSSON, GUÐRÚN PÁLÍNA GUÐMUNDSDÓTTIR, JORIS RADEMAKER OG JÓN LAXDAL.

 

 

Joris Rademaker var sýningarstjóri og valdi fjóra listamenn með sér til að vinna frjálslega með hugmyndir sem tengdust að einhverju leyti starfsemi Verksmiðjunnar og rými hússins. Á sýningunni voru skúlptúrar, málverk, veggmálverk og innsetningar.